Botox (Botulinum Toxin)
Çfarë është Botulinum Toxina?
Botulinum Toxina është një ekzotoksinë e prodhuar nga bakteria Clostridium Botulinum A. Kjo toksinë bllokon përkohësisht lidhjen mes nervit dhe muskujve, duke parandaluar kontraktimin e tyre. Si rezultat, zvogëlon rrudhat e shkaktuara nga shprehjet e fytyrës dhe jep një pamje më të qetë dhe të freskët.
Toksina injektohet direkt në muskujt që duhen relaksuar dhe efekti është i përkohshëm dhe i kthyeshëm. Qëllimi kryesor është të arrihet një pamje natyrale, pa ndryshuar shprehjet karakteristike të fytyrës.
Zonat e Aplikimit
- Vijat horizontale të ballit
- Vijat vertikale mes vetullave (glabella)
- “Këmbët e sorrës” rreth syve
- Vijat në hundë (bunny lines)
- Vijat vertikale të buzëve (smoker lines)
- Ngritja e këndeve të buzëve
- Reduktimi i vijave në qafë
- Gummy smile (buzëqeshja që zbulon mishrat)
- Ngritja e vetullave (brow lift)
- Asimetria pas paralizës faciale
- Shenjat e dhëmbë-shtrëngimit (maseteri)
- Djersitja e tepërt e duarve, këmbëve dhe sqetullave (hiperhidroza)
- Lehtësim i migrenës
Çfarë Bëhet Para Procedurës?
- Vlerësim i zonave që do të trajtohen
- Historia mjekësore e pacientit
- Vlerësimi i pritshmërive
- Informimi për procedurën
- Fotografi para trajtimit
- Duhet të konfirmohet nëse pacienti është shtatzënë apo në periudhë gjidhënieje
Si Zhvillohet Procedura?
- Nuk kërkohet anestezi
- Aplikohet me injeksione shumë të imëta në zonat specifike
- Procedura zgjat vetëm 5–10 minuta
- Nëse përdoret për trajtimin e djersitjes, mund të përdoret anestezi lokale për duar/këmbë
Çfarë Duhet të Kihet Parasysh Pas Procedurës?
- Mos e lani fytyrën dhe mos aplikoni grim për 1–2 orët e para
- Shmangni masazhet në zonën e trajtuar
- Mos përkuluni dhe mos flini për 2 orë pas trajtimit
- Efekti fillon të ndihet pas 2 ditësh dhe arrihet plotësisht për 7–10 ditë
- Një kontroll pas 7–10 ditësh është i rekomanduar për të korrigjuar ndonjë asimetri apo efekt të pamjaftueshëm