Emerge Laser
Emerge është një laser fraksional jo-ablativ, i krijuar për të përmirësuar pamjen dhe cilësinë e lëkurës pa dëmtime të sipërfaqes. Ndryshe nga laserët më agresivë, Emerge vepron në shtresat e brendshme të lëkurës për të stimuluar prodhimin e kolagjenit, duke e rigjeneruar atë gradualisht dhe në mënyrë të sigurt.
Trajtimi me Emerge është ideal për personat që duan përmirësim estetik pa kohë rikuperimi – për të arritur një lëkurë më të ndritshme, të njëtrajtshme dhe me më pak rrudha apo papërsosmëri.
Zonat e Përdorimit
- Rrudha të imëta rreth syve, buzëve dhe në ballë
- Shenjat e akneve
- Ton i pabarabartë i lëkurës
- Lëkurë me pore të dukshme
- Zbehja e shenjave dhe njollave pigmentare
- Lëkurë e lodhur, pa shkëlqim
Kujt i Rekomandohet?
- Personave me shenja të lehta plakjeje
- Ata që kanë dëmtim nga dielli në lëkurë
- Persona me shenja apo teksturë të pabarabartë
- Pacientë që kërkojnë trajtim të butë me rikuperim të menjëhershëm
Kujt Nuk i Rekomandohet?
- Grave shtatzëna apo në gjidhënie
- Personave me infeksione aktive në zonën e trajtimit
- Atyre që kanë përdorur trajtime me acid retinoik në muajt e fundit
- Personave me lëkurë shumë të ndjeshme ose me sëmundje të lëkurës në fazë aktive
Si Kryhet Procedura?
Para trajtimit, mund të aplikohet një krem anestetik sipërfaqësor për rehati. Pajisja Emerge kalon lehtë mbi sipërfaqen e lëkurës me impulse të kontrolluara drite që veprojnë në thellësi pa dëmtuar shtresën e jashtme. Procedura zgjat zakonisht 20–30 minuta.
Çfarë Duhet të Keni Parasysh Pas Procedurës?
- Mund të shfaqet skuqje e lehtë ose ndjeshmëri për disa orë
- Rikthimi në aktivitetet e përditshme është i menjëhershëm
- Rekomandohet përdorimi i kremit hidratues dhe mbrojtës me SPF
- Rezultatet shfaqen gradualisht pas disa ditësh, dhe përmirësohen me çdo seancë
- Rekomandohen 3–6 seanca me interval prej 2–4 javësh për rezultate optimale