Liquid Facelift

Çfarë është Liquid Facelift?

Liquid Facelift është një procedurë jo-kirurgjikale që përdor kombinime të filler-ëve (me bazë acid hialuronik) dhe, në disa raste, botulinum toxin për të ngritur, formësuar dhe rifreskuar fytyrën pa nevojën për ndërhyrje kirurgjikale. Qëllimi është të rikthehet vëllimi i humbur, të zbuten rrudhat dhe të arrihet një pamje më e re dhe më e pushuar.

Kjo procedurë synon të imitojë efektin vizual të një lifting kirurgjikal, por me një qasje më të butë, më të shpejtë dhe me kohë rikuperimi minimale.

Cilat zona trajtohen në një Liquid Facelift?

  • Mollëzat dhe pjesa e mesme e fytyrës
  • Vija e nofullës dhe mjekra
  • Rrathët poshtë syve (tear trough)
  • Vija nasolabiale dhe vijat marionette
  • Rrudhat e ballit dhe ngritja e vetullave (kur kombinohet me botulinum toxin)

Kujt i rekomandohet kjo procedurë?

Liquid Facelift është ideal për persona që:

  • Vërejnë rënie të lehtë deri mesatare të strukturës së fytyrës
  • Duan të rifreskojnë pamjen pa pasur nevojë për kirurgji
  • Duan rezultate të menjëhershme, por të natyrshme
  • Kanë humbje vëllimi në fytyrë për shkak të moshës

Çfarë Bëhet Para Procedurës?

  • Bëhet një analizë e plotë e strukturës së fytyrës
  • Diskutohen pritshmëritë, zona që do trajtohen dhe produktet që do përdoren
  • Merret historiku mjekësor dhe realizohen foto përpara trajtimit

Si Kryhet Procedura?

  • Nuk kërkon anestezi të përgjithshme – përdoret krem anestetik lokal për rehati
  • Fillers injektohen në disa pika strategjike në fytyrë për të rikthyer vëllimin, formën dhe simetrinë
  • Në disa raste kombinohet me botulinum toxin për efekt ngritës në pjesën e sipërme të fytyrës
  • Procedura zgjat 30–45 minuta, varësisht nga numri i zonave që trajtohen

Çfarë Duhet të Keni Parasysh Pas Procedurës?

  • Mund të shfaqet skuqje, ënjtje ose mavijosje të lehta në pikat e injeksionit
  • Rikthimi në aktivitete të përditshme është i menjëhershëm ose pas 1 dite
  • Rezultatet janë të dukshme menjëherë dhe përmirësohen në ditët në vijim
  • Qëndrueshmëria varion nga 9 muaj deri në 18 muaj, në varësi të produkteve të përdorura dhe metabolizmit të individit

Të ngjashme