Platelet Rich Plasma (PRP)
Çfarë është Platelet Rich Plasma (PRP)?
PRP (Platelet Rich Plasma) është një trajtim natyral dhe biologjik që përdor plazmën e pasur me trombocite të marrë nga vetë gjaku i pacientit. Ky trajtim synon të rigjenerojë lëkurën, të përmirësojë elasticitetin dhe të stimulojë prodhimin e kolagjenit në mënyrë të sigurt dhe efektive.
Plazma e pasur me trombocite përmban faktorë rritjeje që aktivizojnë rigjenerimin qelizor dhe riparimin e indeve, duke e bërë PRP një ndër trajtimet më të preferuara për ata që kërkojnë një “refresh” natyral të lëkurës.
Për çfarë përdoret?
- Rrudha të holla dhe lëkurë e lodhur
- Zbehje e tonit dhe strukturës së lëkurës
- Rënie e elasticitetit dhe shkëlqimit natyral
- Rrathë të errët dhe zbrazëti poshtë syve
- Rënia e flokëve (te meshkujt dhe femrat)
- Rigjenerimi pas trajtimeve me lazer ose peelin
Cilat zona trajtohen?
- Fytyra
- Qafa
- Dekolteja
- Rreth syve
- Lëkura e kokës (për stimulim të rritjes së flokëve)
- Duart
Si Kryhet Procedura?
- Merret një sasi e vogël gjaku nga krahu i pacientit
- Gjaku vendoset në një centrifugë për të ndarë plazmën e pasur me trombocite
- Plazma e përqendruar injektohet në zonat e synuara me mikroinjeksione ose kanulë
- Procedura zgjat rreth 30–45 minuta, është minimale në dhimbje dhe pa rikuperim të gjatë
Çfarë Duhet të Kihet Parasysh Pas Procedurës?
- Mund të ndodhë skuqje apo ndjeshmëri në vendin e injeksionit për disa orë
- Rekomandohet shmangia e make-up-it dhe ekspozimit në diell për 24–48 orë
- Lëkura mund të duket më e ndritshme dhe e freskët që pas seancës së parë
- Për rezultate të plota, zakonisht rekomandohen 3 seanca me intervale 3–4 javore