Sweating Treatment

Çfarë është Trajtimi kundër Djersitjes së Tepërt?

Trajtimi kundër djersitjes së tepërt (hiperhidrozës) është një ndërhyrje jo-kirurgjikale që përdor botulinum toxin për të bllokuar përkohësisht sinjalet nervore që aktivizojnë gjëndrat e djersës. Kjo metodë është efektive, e shpejtë dhe pa rikuperim, dhe rekomandohet për personat që përjetojnë djersitje të pakontrolluar, pavarësisht temperaturës, stresit apo aktivitetit fizik.

Cilat zona trajtohen?

  • Sqetullat
  • Duart
  • Shputat e këmbëve
  • Zona e fytyrës (vijë e flokëve, balli)
  • Pjesë të tjera të trupit sipas nevojës

Si funksionon?

Botulinum toxin injektohet me mikroinjeksione në sipërfaqen e lëkurës, duke bllokuar përkohësisht sinjalet që stimulojnë djersitjen në zonën e trajtuar. Gjëndrat e djersës që ndodhen aty “fiken”, pa ndikuar në funksionet e tjera të trupit.

Kujt i rekomandohet?

  • Personave që kanë djersitje të vazhdueshme, pavarësisht higjienës apo produkteve antiperspirante
  • Atyre që ndihen në siklet në ambiente sociale apo profesionale për shkak të njollave në rroba
  • Personave që përjetojnë djersitje të theksuar emocionale apo të lidhur me stresin

Si Kryhet Procedura?

  • Përcaktohet zona që do të trajtohet dhe pastrohet mirë
  • Aplikohet anestetik lokal (nëse trajtohen duart apo shputat, ku ndjeshmëria është më e lartë)
  • Botulinum toxin injektohet me një gjilpërë shumë të hollë në disa pika të shpërndara në zonën përkatëse
  • Procedura zgjat 20–30 minuta dhe pacienti mund të rifillojë aktivitetet menjëherë pas saj

Kur fillon efekti dhe sa zgjat?

  • Efekti fillon brenda 2–5 ditësh
  • Efekti maksimal arrihet pas 7–10 ditësh
  • Zgjat mesatarisht 6–9 muaj, pas së cilës trajtimi mund të përsëritet

Çfarë duhet të keni parasysh pas procedurës?

Nuk ka ndalim për larjen e trupit apo kthimin në jetën normale

Mos përdorni deodorant për 12–24 orët e para (nëse trajtohet sqetulla)

Shmangni aktivitetin fizik intensiv të paktën për 24 orë

Të ngjashme